Team hmasaber....
Hming: Liverpool Football Club
Koh dan dang: The Reds, The Mighty Reds
Din kum: 1892
Lawmman a lak tawh te----
English Football Champions: 18
FA Cup: 7
League Cup: 7
Charity Shield: 15
European Cup: 5
UEFA Cup: 3
European Super Cup: 3
A vaiin: 58
Address: Anfield, Anfield Road, Liverpool L4 0TH
Chairmen: George Gillette and Tom Hicks
Manager: Rafael Benitez
Official Website: http://www.liverpoolfc.tv/
Champion vawi 5-na
Kum 1891 khan Anfield Stadium-a thuneituber John Houlding chuan ground hmanman a tihsan avangin Everton FC chuan kum 7 lai an lo luah tawh Anfield chu an chhuahsan ta a. Tichuan English Club zinga hlawhtling ber ni turin John Houlding chuan Liverpool FC chu March 15, 1892 khan a lo din ta a ni.
Liverpool FC hi an season hmasaber ah Lanchashire League ah Champion nihna a hauh nghal a. Hemi avang hian Football League Second Division ah 1893-94 Season khan an khel ve ta a. An football league hmasaber ah Liverpool FC hian hneh loh nei lovin an champion a, First Division ah an in hlangkai ta a ni. A vawikhatna atan Liverpool FC hi 1900-01 season khan English League ah an champion a, 1905-06 ah an champion leh a. FA Cup final pawh 1914 khan an thleng a, mahse Burnley 1-0 in an hneh lo. 1921–22 leh 1922–23 season khan Liverpool FC hian Division champion nihna a khum leh a. Hei hi a kum zawn-a an champion vawikhatna a ni. Mahse hemi kum a\ang hian Liverpool FC chuan an club history-a an lawmman lakloh reiber an hmang thung a. League ah 1946-47 season khan an rawn champion leh ta chauh a ni. Mahse he hlawhtlinna hian Liverpool FC te lawmna a thlen rei lo. 1953-54 season ah phei chuan Second Division ah an tlathla hial a ni.
December 1959 ah Bill Shankly chu manager ni turin an ruat a. A season hmasaber ah player 24 te chu chhuahtir nghal in squad a siksawi nghal a. Kum 3 a enkawl hnu chuan Second Division champion a nihpui a, First Division ah kaipui-in tun thleng hian division hniam ah an tla leh tawh lo a ni. 1963–1964 season khan Liverpool FC chuan kum 17 hnu-a title an lak leh na hmasaber ni turin league champion an ni a. 1964-65 season ah chuan FA Cup an la in, 1965–1966 season khan league ah champion leh a ni. Liverpool FC tan chuan 1972-73 season hi hriatreng a awl khawp ang. League title vawi 8 an lak kum a nih mai bak-ah UEFA Cup final ah Borussia Mönchengladbach hneh-in an champion bawk a. A kum leh-ah FA Cup la mahse an manager hlawhtling tak mai Bill Shankly chuan a hna chu a chawlhsan a, Bob Paisley chu manager thar atan an lalut nghal a ni. 1975-76 season, Bob Paisley-a season hnihna ah Liverpool FC chuan league title la in UEFA Cup-ah an champion leh a. 1976-77 season ah pawh league an champion leh in FA Cup ah erawh final ah an chak ta lo a ni. Mahse hemi season ah hian European Cup, tuna Champions League kan tih takah hian, a vawikhatna atan Liverpool FC hi an champion a. 197-78 season ah pawh, he lawmman hlu tak hi an chawi leh a ni. 1979 ah chuan league title la leh in, match 42 chhungin goal 16 chiah an chhuah a. Hei hi kum 5 chhunga league title an vawi 4 lakna a ni a. Chutah, Paisley-a hnuaia a vawithum na ni turin European Cup ah 1980-81 season khan an champion leh bawk a ni. A dawt leh kum hnih chhung khan Liverpool FC chuan League Championship leh League Cup an la ve ve a. Hetiang taka hlawhtlinna kawnga hruaitu chu Manager Paisley a ni chiang a ni. Paisley Liverpool-a a awm chhung (kum 9) hian lawmman 21 tehmeuh mai an chawi hman a. Chu'ng zingaa langsar zual te chu European Cup vawi 3, UEFA Cup vawi 1, League title vawi 6 leh League Cup vawi 3 te a ni. Mahse a hun chhung zawng hian FA Cup a chawi miah lo thung.
Liverpool FC hi an season hmasaber ah Lanchashire League ah Champion nihna a hauh nghal a. Hemi avang hian Football League Second Division ah 1893-94 Season khan an khel ve ta a. An football league hmasaber ah Liverpool FC hian hneh loh nei lovin an champion a, First Division ah an in hlangkai ta a ni. A vawikhatna atan Liverpool FC hi 1900-01 season khan English League ah an champion a, 1905-06 ah an champion leh a. FA Cup final pawh 1914 khan an thleng a, mahse Burnley 1-0 in an hneh lo. 1921–22 leh 1922–23 season khan Liverpool FC hian Division champion nihna a khum leh a. Hei hi a kum zawn-a an champion vawikhatna a ni. Mahse hemi kum a\ang hian Liverpool FC chuan an club history-a an lawmman lakloh reiber an hmang thung a. League ah 1946-47 season khan an rawn champion leh ta chauh a ni. Mahse he hlawhtlinna hian Liverpool FC te lawmna a thlen rei lo. 1953-54 season ah phei chuan Second Division ah an tlathla hial a ni.
December 1959 ah Bill Shankly chu manager ni turin an ruat a. A season hmasaber ah player 24 te chu chhuahtir nghal in squad a siksawi nghal a. Kum 3 a enkawl hnu chuan Second Division champion a nihpui a, First Division ah kaipui-in tun thleng hian division hniam ah an tla leh tawh lo a ni. 1963–1964 season khan Liverpool FC chuan kum 17 hnu-a title an lak leh na hmasaber ni turin league champion an ni a. 1964-65 season ah chuan FA Cup an la in, 1965–1966 season khan league ah champion leh a ni. Liverpool FC tan chuan 1972-73 season hi hriatreng a awl khawp ang. League title vawi 8 an lak kum a nih mai bak-ah UEFA Cup final ah Borussia Mönchengladbach hneh-in an champion bawk a. A kum leh-ah FA Cup la mahse an manager hlawhtling tak mai Bill Shankly chuan a hna chu a chawlhsan a, Bob Paisley chu manager thar atan an lalut nghal a ni. 1975-76 season, Bob Paisley-a season hnihna ah Liverpool FC chuan league title la in UEFA Cup-ah an champion leh a. 1976-77 season ah pawh league an champion leh in FA Cup ah erawh final ah an chak ta lo a ni. Mahse hemi season ah hian European Cup, tuna Champions League kan tih takah hian, a vawikhatna atan Liverpool FC hi an champion a. 197-78 season ah pawh, he lawmman hlu tak hi an chawi leh a ni. 1979 ah chuan league title la leh in, match 42 chhungin goal 16 chiah an chhuah a. Hei hi kum 5 chhunga league title an vawi 4 lakna a ni a. Chutah, Paisley-a hnuaia a vawithum na ni turin European Cup ah 1980-81 season khan an champion leh bawk a ni. A dawt leh kum hnih chhung khan Liverpool FC chuan League Championship leh League Cup an la ve ve a. Hetiang taka hlawhtlinna kawnga hruaitu chu Manager Paisley a ni chiang a ni. Paisley Liverpool-a a awm chhung (kum 9) hian lawmman 21 tehmeuh mai an chawi hman a. Chu'ng zingaa langsar zual te chu European Cup vawi 3, UEFA Cup vawi 1, League title vawi 6 leh League Cup vawi 3 te a ni. Mahse a hun chhung zawng hian FA Cup a chawi miah lo thung.
Liverpool FC manager te hi staff atanga ni chho te an ni nual mai a. Hei hian club chhung inrelbawl dan pawh a khalh ngil hle a, Liverpool FC ti Liverpool FC tu te pawh an ti hial thin a ni. Hetianga club chhulchhuak manager ni te hi "the boot room boys" an ti deuh kher thin a. A chhan chu Liverpool FC player te an nih fur vang a ni bawk. Shankly a chhuah hnu khan a thachhangdawltu Paisley chuan manager hna a chhunzawm nghal a, chutah Paisley a chhuah hnu ah chuan Joe Fagan, veteran coach chuan manager hna a chhunzawm nghal a. 1983-84 season-ah Fagan hian a hna a tan a. Kum 63 mi a ni tawh a ni. Mahse a season hmasaber ah English club te la tawn ngai loh a tawng nghal a. Chu chu League Champion, League Cup Champion leh European Cup Champion nih-na a lakpui vek kha a ni. Chutah, 1985 khan European Cup final a thlenpui leh a. Mahse chanchin lawmawm loh takin a thlen nghal a ni. Final match khelh dawn hian Liverpool FC fans te chuan Juventus fans te nena an inri-na bang an tichhia a. Juventus fans te lamah chuan an phei ta vak mai a. An insual buai ta! He intihbuaina ah hian mi 39 an thi a, a tam ber te chu Italian an ni. He match ah hian Liverpool FC chuan Juventus hi 1-0 in an hneh ta lo reng a ni. Hetia buaina a chhuah avang hian English Club te chu kum 5 chhung European inelna ah reng reng hrem an ni ta a. Liverpool FC bik phei chu kum 10 hrem an ni phawt a, mahse kum 6 ah an tlakhniam tir leh ta a ni.
Fagan a hnu ah, 1985 khan Kenny Dalglish chu Liverpool FC player-manager hmasaber a ni ta a. Hemi awmzia chu, player ni pah-in manager hna a thawk nghal tih-na a ni. Hetia cluba enkawl chhung hian League ah vawi thum lai a champion pui a, FA Cup ah vawihnih a champion pui bawk a. 1985-86 ah phei kha chuan league leh cup an chawikawp nghe nghe a ni. Mahse hlimna hian a chenchilh reng bik lo. April 15, 1985 khan FA Cup semi-final ah Liverpool FC chuan Nottingham Forest chu Hillsborough ah a khel a. Match tan a nih chiah-in buaina a chhuak nghal a. Pawn lamah ticket chang lo tam tak chuan chhunglam boruak hrepha siin thawm hran an lo nei ve reng a. Goal-post petper thawm ri hluai chuan pawn lam boruak chu a tibuai a ni ber mai. Chutah ticket changlo ho chuan khelmual hungna chu an tichhe ta a. A buai ta nuaih a ni ber mai! He buaina leh mihring inchilna ah hian Liverpool FC fans 96 te chuan nunna an chan hial a ni. A tirah tak chuan mi 94 an thi a. Mahse 95-na chu damdawiin ah ni 4 hnu ah a thi leh a, 96-na phei chu a hnu kum 4-na ah a thi leh a ni. He thihna hian rahtha chhuah a nei a, chu chu stadium sakdan tha zawk leh enkawl dan tha zawk nei turin English FA chuan thu a chhuah phah a ni.
Kenny Dalglish-a hnu hian Liverpool FC player hlui tho Graeme Souness chu manager atan lakluh a ni a. A kumkhatna-a FA Cup a lakpui tih loh chu lawmman a dawnpui loh avangin manager hlawhtling tia sawi a ni lo. "Boot room" veteran Roy Evans chuan manager hna chu 1994 khan a chhunzawm ve leh a. Mahse a hna a chelh chhung hian League Cup, 1995 kum-a an lak bak lawmman a lakpui lo. Gérard Houllier, France national team pawh lo enkawl tawh chuan Liverpool management team chu a rawn zawm a. Mahse Roy Evans nen hian an thawk dun tha thei lova, Evans zawk hian a ban phah ta hial a. Tichuan Houllier chuan manager hna chu a chhunzawm ta nghal a ni. A season hnih-na 2000-01 khan kum tam tak hnu-ah Liverpool FC chuan Treble Chawimawina (Lawmman Pathum lak) a dawng ta a ni. Hemi kum hian FA Cup, League Cup leh UEFA Cup te chu an hui vek mai a. Super Cup an chawi leh a. 2001-02 season hawnna atan an khelh thin Community Shield an la nghal bawk a ni. Chu bakah league ah pahnihna an ni nghe nghe. Houllier hian heng te bak hi lawmman a lakpui tak loh avangin club nena inrem lohna nei chuang lovin 2003-04 season khan a chhuahsan ta a ni.
Spaniard Rafael Benítez a rawn lang ta hlawl mai le! A season khat-na ah khan Liverpool FC chu panga-na a nihpui a. Mahse mak tak mai-in Champions League an a champion pui thung a ni. Hei hi Liverpool FC in-a European Cup/Champions League a lak vawi-5 na a ni (English Club zinga hetiang lawmman la tam ber a ni). Chuan 2005-06 khan FA Cup a lakpui leh a. He final pawh hi hmuhnawm leh ropui tak a ni. Kum 2006-07 khan Liverpool FC chuan chanchin danglam tak mai a nei a. Tun tum chu club neitute inthlak-na chungchang a ni ve thung a ni. George Gillett leh Tom Hicks te chuan David Moores hnen atangin Liverpool FC chu £470 million in an lei chhawng ta a. Hemi kum hian Benitez chuan Liverpool FC chu Champions League final a thlenpui leh ta thova, mahse A.C. Milan lakah an tlawm thung a ni.
2007-08 season hian player thar te lakbelh in hma an la nasa hle a. Mahse club chhungkua ah inngeihloh-na a awm zeuh zeuh na chuan nghawng a nei lian hle a ni. LIVERPOOL FOOTBALL CLUB HI CHUAN HMALAM A PAN ZEL DAWN A, HMALAM KAN THLIR RENG E.
Kenny Dalglish-a hnu hian Liverpool FC player hlui tho Graeme Souness chu manager atan lakluh a ni a. A kumkhatna-a FA Cup a lakpui tih loh chu lawmman a dawnpui loh avangin manager hlawhtling tia sawi a ni lo. "Boot room" veteran Roy Evans chuan manager hna chu 1994 khan a chhunzawm ve leh a. Mahse a hna a chelh chhung hian League Cup, 1995 kum-a an lak bak lawmman a lakpui lo. Gérard Houllier, France national team pawh lo enkawl tawh chuan Liverpool management team chu a rawn zawm a. Mahse Roy Evans nen hian an thawk dun tha thei lova, Evans zawk hian a ban phah ta hial a. Tichuan Houllier chuan manager hna chu a chhunzawm ta nghal a ni. A season hnih-na 2000-01 khan kum tam tak hnu-ah Liverpool FC chuan Treble Chawimawina (Lawmman Pathum lak) a dawng ta a ni. Hemi kum hian FA Cup, League Cup leh UEFA Cup te chu an hui vek mai a. Super Cup an chawi leh a. 2001-02 season hawnna atan an khelh thin Community Shield an la nghal bawk a ni. Chu bakah league ah pahnihna an ni nghe nghe. Houllier hian heng te bak hi lawmman a lakpui tak loh avangin club nena inrem lohna nei chuang lovin 2003-04 season khan a chhuahsan ta a ni.
Spaniard Rafael Benítez a rawn lang ta hlawl mai le! A season khat-na ah khan Liverpool FC chu panga-na a nihpui a. Mahse mak tak mai-in Champions League an a champion pui thung a ni. Hei hi Liverpool FC in-a European Cup/Champions League a lak vawi-5 na a ni (English Club zinga hetiang lawmman la tam ber a ni). Chuan 2005-06 khan FA Cup a lakpui leh a. He final pawh hi hmuhnawm leh ropui tak a ni. Kum 2006-07 khan Liverpool FC chuan chanchin danglam tak mai a nei a. Tun tum chu club neitute inthlak-na chungchang a ni ve thung a ni. George Gillett leh Tom Hicks te chuan David Moores hnen atangin Liverpool FC chu £470 million in an lei chhawng ta a. Hemi kum hian Benitez chuan Liverpool FC chu Champions League final a thlenpui leh ta thova, mahse A.C. Milan lakah an tlawm thung a ni.
2007-08 season hian player thar te lakbelh in hma an la nasa hle a. Mahse club chhungkua ah inngeihloh-na a awm zeuh zeuh na chuan nghawng a nei lian hle a ni. LIVERPOOL FOOTBALL CLUB HI CHUAN HMALAM A PAN ZEL DAWN A, HMALAM KAN THLIR RENG E.
No comments:
Post a Comment