Rafa Benitez chuan Michael Owen aia Torres a sign nachhan chu mipui-in hre tawh a ti. Benitez chuan,"Tun nipui khan ka player sign duh te zingah chuan Michael Owen chu a tel ve na-meuh mai a, mahse ka duhber te zingah a tel lo. Ka player duhber chu Fernando Torres a ni a, ka sign chhan pawh in hre tawh a ni", a ti.
"Steven Gerrard leh Carra te hi zawt ula Michael Owen \hatzia chu an hrilh ngei ang che u, a chhan chu a finishing a \hat em vang a ni. Mahse Torres hi chu a la naupang a, a che-rang a, theihna a nei ngah bawk a ni. Kan duhna ti hlawhtling turin theihna a nei ngah a, kan chang thei hi kan lawm em em a ni", a ti bawk. Torres hi khawvel-a club lian te inchuh a ni a. Liverpool FC-a a khelh chhan a sawi pakhat chu club changtlung leh history \ha tak nei a ni a, a ropui ka ti a, ka Spanish puite aiin chu lam chuan min hip zawk a ni, tiin a sawi hial nghe nghe a ni.
Benitez chuan,"Atletico ah khan an player pawimawh ber a ni a, mahse superstar nih a duh lo. A inngaitlawm em em a, a teammate te tana \angkai taka khelh hi a duhber a ni a, \hian tam tak a nei a, \hian kawm nuam tak a ni a, a chhungte tan te, a bialnu tan te mi\ha tak a ni a, a hmalam hi a eng hle a ni", a ti.
No comments:
Post a Comment